InicioCulturaCoñece a programación de Nadal de Cervo, Foz, Lourenzá e Barreiros

Coñece a programación de Nadal de Cervo, Foz, Lourenzá e Barreiros

Teatro, danza, monicreques, monólogos, maxia e concertos, entre as actividades programadas

Publicada o

- Advertisement -

Os Concellos de Cervo, Foz e Lourenzá adiantaron a súa programación de Nadal o pasado xoves, e o de Barreiros anunciou que o 22 de decembro celebrará un acto para os máis pequenos.

CERVO

A programación en Cervo comezará cun evento deportivo o 22 de decembro, ás 17.00 horas no pavillón da Veiga. Trátase do décimo primeiro Campionato de Nadal de Nihon TaiJitsu.

O 23, desde as 16.30 horas, a asociación Burgo de Trasbar convidou a Papá Noel ao seu local social. Ás 18.00 horas, na casa de cultura de San Cibrao, celebrarase a Gala de Nadal dos grupos de música, canto e baile do municipio.

O luns 24 de decembro, a Asociación Fervenza de Sargadelos organiza un ano máis a Noiteboa Infantil. Será a partir das 16.30 horas no ecomuseo de Cervo.

Cartel da Noiteboa Infantil. AXM

A programación inclúe ludoteca a cargo de Xogando nas Nubes, o espectáculo de monicreques ‘O Crebanoces‘, a visita de Papá Noel e unha chocolatada.

O 26 de decembro celebrarase o xogo do ‘Laser Tag‘ no parque Reina Sofía de San Cibrao (16.00 horas), mentres que o 27 será a quenda do Escape Room. Ás 20.00 horas dese mesmo día, a casa da cultura acollerá o espectáculo ‘Falar sen cancelas‘, con Isabel Risco e Pedro Brandariz, entre outros cómicos.

O venres 28 será o momento do rock and roll co Callo Fest, na Praza dos Campos sancibrense. Amigos da Troula organiza a cita, con concertos a partir das 20.00 horas; Lazy Bones, Supernatural, Mckuin –tributo a Queen– e Pegas Negras.

Oswaldo Digón ofrecerá un monólogo o sábado 29 de decembro, e o 4 de decembro Trío Duero un concerto de Nadal. Ambas actuacións serán na casa da cultura, ás 20.00 horas.

Os Reis Magos pasarán por San Ciprián e Cervo o día 5, ás 17.30 e 19.30, respectivamente. O grupo de teatro O Bordelo actuará no consistorio cervense trala visita dos monarcas, nunha cabalgata que organiza Airiños do Xunco.

FOZ

Os actos en Foz arrincarán este sábado, cun obradoiro infantil e xuvenil de danza urbana e contemporánea, ás 12.00 horas. Anotan na casa da cultura. Ás 18.30 empezará un espectáculo de danza infantil, ‘Gaia‘, a cargo de Entremans.

O domingo, día 16, ás 20.00 horas na igrexa parroquial, haberá un festival de panxoliñas no que actuarán Mar Aberto, o Coro de Foz e a Coral Polifónica de Foz.

As actividades continuarán o 21, co festival da escola de música, que comezará ás 20.00 horas na Sala Bahía.

Os días 21 e 22, haberá elfos na casiña de Papá Noel para recoller as cartas. Santa Claus chegará a Foz o 24, espéraselle para a cabalgata ás 12.00 horas na casa da cultura e logo atenderá aos nenos no Concello. Amenizará o día un concerto de panxoliñas da escola de música, que ofrecerá o seu concerto de Nadal o martes 25, na igrexa ás 20.30 horas.

O alumnado do IES de Foz presentará o xoves 27, desde as 20.00 horas na casa da cultura, a curtametraxeMans salgadas‘.

O sábado 29, a compañía Expresión Producións ofrecerá o espectáculo de maxia e teatro infantil ‘Trío de ases‘. O evento comezará ás 18.30 horas, na sala Bahía.

O día de Ano Vello rematará a programación cultural do Concello de Foz cun concerto de panxoliñas na rúa. Será na Avenida da Mariña ás doce do mediodía.

LOURENZÁ

O Nadal en Lourenzá comezará este domingo, día 16, cun obradoiro e espectáculo de maxia a cargo de Hermanager Producións. Será a partir das 17.00 horas, na casa da cultura. Durante a fin de semana, o colectivo de comerciantes Acial organizará un mercado de Nadal.

O venres 21 haberá teatro co grupo Trípode, na escola de San Adriano desde as 19.30 horas. O mesmo grupo recreará a mesma obra, ‘Cousas de Vellos‘, o 29, no centro de San Xorxe.

O 23, Fran Rei presentará o espectáculo cómico ‘O Conto de Barriga Verde‘ na carpa do Campo dos Bolos. A continuación chegará Papá Noel a saudar a todos os nenos e nenas de Lourenzá. No mesmo escenario, o 26 de decembro haberá un planetario.

Cartel do espectáculo de Fran Rei, baseado en Manuel María. AXM

Ademais, o xoves 27 de decembro no centro social de Santo Tomé, de 17.00 a 19.00 horas, desenvolverase un obradoiro de Nadal para pequenos de dous a doce anos. Os días 2, 3 e 4, ás 17.00 horas no salón de actos municipal, faranse proxeccións de cine infantil.

E o sábado 5 de xaneiro será a cabalgata dos Reis Magos.

BARREIROS

En Barreiros, o Concello organiza unha Festa de Nadal o 22 de decembro. Será no pavillón de San Cosme, de 16.00 a 19.00 horas.

Haberá inchables, obradoiros e animación musical. Os nenos e nenas que participen nesta festa recibirán a visita de Papá Noel. E rematarán a xornada disfrutando dun chocolate con churros.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...